Esta materia ten carácter obrigatorio e impártese no primeiro cuadrimestre do 4º curso do Grao en Economía. Unha vez analizados os fundamentos e as principais cuestións da Facenda Pública na asignatura de terceiro, abórdase a análise das xustificacións e dos resultados da descentralización desde unha perspectiva económica. Comeza cos fundamentos teóricos e cos instrumentos básicos do federalismo fiscal. A combinación destes fundamentos co exame das experiencias internacionais permite estudar en detalle as solucións adoptadas en España, tanto no ámbito autonómico como no local, adoptando unha tripla perspectiva que inclúe a análise da súa evolución, do funcionamento actual e dos seus retos.