Contas rexionais desde unha perspectiva gallega – Ciclo de conferencias públicas da SEC/Aula ECOADE 25/2

O 12 de novembro de 2025 tivo lugar a segunda sesión do ciclo de conferencias Sistema Europeo de Contas, Crecemento, Benestar e Sostibilidade - Aula ECOADE 25/26, organizado por Públika. Esta actividade está recoñecida con 1 crédito ECTS para estudantes de Economía e Administración de Empresas.

A conferencia foi impartida por Raúl Jácome Rodríguez (IGE) e presentada por Santiago Lago Peñas. Durante a súa presentación, o relator ofreceu unha análise detallada das contas rexionais desde unha perspectiva gallega, mostrando como se constrúen e empregan estes indicadores para comprender a dinámica económica de Galicia.

As persoas participantes puideron afondar na relevancia das contas rexionais como ferramenta clave para analizar o crecemento, a distribución do benestar e a sustentabilidade, e en como estes datos permiten tomar decisións económicas máis informadas a nivel rexional.

Ao longo do curso, expertos do Sistema Universitario Galego (SUG) e do Instituto Galego de Estatística (IGE) continuarán a abordar temas como:

• Introdución á análise input-output e a súa aplicación en Galicia (10/12/2025)

• Aplicación da análise input-output a Galicia (17/12/2025)

• Os límites do crecemento: pegada ecolóxica e sustentabilidade (04/03/2026)

• PIB e benestar (25/03/2026)

Asconferencias impártense os mércores de 12:30 a 14:00 horas na Facultade de Economía e Administración de Empresas da Universidade de Santiago de Compostela (USC).