O ministro de Economía, Carlos Cuerpo, impartirá unha conferencia sobre a situación e os retos da economía española na USC

A Facultade de Ciencias Económicas e Empresariais da Universidade de Santiago de Compostela acollerá a conferencia “Situación e retos da economía española”, que será impartida por Carlos Cuerpo Caballero, ministro de Economía, Comercio e Empresa de España.

A sesión celebrarase o mércores 4 de febreiro de 2026, ás 11:30 horas, na Aula A, e enmárcase no programa Aula Profesional ECOADE: Aprendendo das empresas e institucións.

Esta actividade conta coa colaboración de Públika, que continúa impulsando espazos de encontro entre o ámbito académico e as institucións, co obxectivo de reforzar a empregabilidade do alumnado e achegalo a referentes da Administración Pública.